Dead boot / phone on nahi ho raha — kya hota hai aur hal
"Dead boot" ka matlab phone bilkul on nahi hota — na screen, na vibration, kabhi charging light bhi nahi. Aksar galat flashing, corrupt firmware ya hardware fault ki wajah se hota hai.
Pehle ye check karein
- Charging: asli charger aur cable se 15-20 min laga kar rakhein; kabhi battery bilkul 0 hoti hai.
- PC par detect: USB laga kar dekhein PC "Qualcomm HS-USB 9008" (EDL) ya "MediaTek BROM" dikhata hai? Iska matlab chip zinda hai, sirf software/firmware ka masla hai.
Software (recoverable) vs hardware
Agar PC par EDL/BROM mode aata hai, to aksar sahi firmware flash karke phone wapas aa jata hai. Agar PC bilkul kuch detect na kare, to masla hardware ka ho sakta hai (power IC, CPU, short) — ye micro-soldering ka kaam hai.
Flashing se recovery
Qualcomm (EDL/9008) aur MediaTek (BROM) devices ke liye hamara GSM Flash Tool partition manager, scatter flash aur chipset-wise flashing deta hai. Sahi firmware ke liye Flash Files store dekhein.
Ghalat firmware ya ghalat test-point se phone aur kharab ho sakta hai. Yaqeen na ho to pehle WhatsApp par guidance le lein.
Ye guide aam maloomat ke liye hai. Har device alag hota hai — yaqeen na ho to kaam karne se pehle poochein.